點解今次會揀阿根廷.只不過係唔知係邊到睇到呢條冰川嘅相
本身諗住今次行程全部都係南極附近地方玩下雪.但最後都考慮到審美疲勞
南下完一個禮拜就北上沙漠乾燥下.
搭咗24個鐘頭飛機終於去首都布宜諾斯艾利斯.然後再要搭多三個鐘去南部Patagonia.
去到南部都係零度左右.原來唔係好凍.因為香港濕凍先係世界第一
見到部古董的士幾靚.同埋周街見到阿根廷國旗.
今次第一個去到嘅城市就係 EL Calafate. 行咗陣就返去瞓覺.因為真係好攰聽日要去行冰川
Perito moreno glacier 佩里托莫雷諾冰川
即係好勁好灰色嘅冰川左右
講真其實有少少熱
首先會搭船睇冰川跟住就上去行
因為阿根廷經濟冧咗. 報一個一日團上山又下海都係三舊水港紙
英文團得三個人.其餘都係西班牙文團.
大致上都係講緊氣候暖化d野.都冇乜點聽到.因為都係掛住影相
跟住就行去啲屋到換冰爪上冰川.上面已經有一堆人行緊
導遊講越藍嘅冰係代表受壓力越大.亦都係比較深層次嘅冰
其實好大雨.
團長係右邊隻貓.左邊係貓奴
傳說中嘅百歲山泉水威士忌
飲完就落山啦
好啦跟住就搭船去最後一站
我就係因為睇咗呢張相所以嚟阿根廷
睇住啲冰冧落嚟好似行雷咁嘈
睇唔到盡頭
所有嘢都係防水但係相機唔防水