top of page

四驅兄弟三天團 : 玻利維亞

Updated: Dec 29, 2018


去睇天空之鏡之餘 有部分人會玩埋個鹽湖三天團.去睇嘅野 係好特別嘅風景.

咁順便車埋去智利入境.


呢個團 辛苦得黎而又好深刻.

高山反應.坐3日四驅車 冇得上網 同埋係好凍.即使係夏天.

第一個去嘅景點係火車墳場

玻利維亞 其實係一個天然資源豐富嘅國家.

當時西班牙人係海拔4900m波托西開採銀礦 波托西城隨即曇花一現.但係當銀礦枯竭後.

曾經嘅交通樞紐 變成火車墳場.





去完火車墳場.就去鹽磚做嘅屋食飯.都幾好食但係好多烏蠅

不知名市集

本身貪平報左個西班牙文旅行團 因為平過英文好多 但係唔成團.最後掉左我去第二間公司嘅英文團

同玻利維亞國旗一樣顏色嘅係一種超級植物.蛋白質含量極高.好多人會係沙漠種黎賣


沙漠係有人放牧

第一日嘅Hostel 係最高質.

每間公司嘅車都會一齊行.同一條線. 因為部車會好'鄧' 有聽Snoop Dog 嘅人會明. 所以大行李都放係車頂.車尾就放食物同野飲.因為晏會去野餐. 中間黑衫黑褲人字拖 係其中一個導遊黎(Dai Him)

Yareta 植物. 南美洲獨有.1年生長1.5cm.呢到唔知幾多年.通常用黎做燃料

3日都係冇廁所 所以係周街柯屎. 佢地叫Inca toilet. 但係紙巾要自己帶走.都係第一次 去旅行買濕紙巾

高山湖泊 隨水中物質同天氣改變會有唔同顏色





海拔~5000m 雲唔係向上望 係打橫就望到

湖有重金屬同礦物質 水係唔可以飲用. 唔知點解紅鶴.係可以生存到


Stone Tree. 海拔高 風大.風化作用好大.所以沙都好幼


Laguna Colorada: 紅色湖泊.紅色係藻類植物.白色係硼砂.風愈大 愈紅

Sol de Mañana 地熱區 係最後嘅景點



海拔5000m嘅沙漠 睇落好熱 其實得幾度

第二日夜晚 因為高山反應.個頭好痛.返到Hostel 就訓左 冇出去睇星同浸溫泉....

其實到左第三日 都想快啲走 坐左係部車到三日 真係好辛苦 又有高山反應


陸路由玻利維亞入境智利 係一件好痴線嘅事
陸路由玻利維亞入境智利 係一件好痴線嘅事 要係車等三個鐘

 

由於 玻利維亞聯同秘魯對智利打左場硝石戰爭. 而玻利維亞打輸左.連唯一沿海省份都割左比智利. 自始之後.雙方交惡.玻利維亞亦慢慢成為南美洲最窮嘅國家.