天空之城 : 秘魯

馬丘比丘 .又被稱為天空之城 世界新七大奇蹟之一.印加帝國眾多既遺跡之一

十五世紀至今 超過500年歷史.

由於地理位置偏遠而高海拔~2400m.可以先保存到宜家.

去馬丘比丘 主要有3個方法

1. 塔火車再轉巴士

2. 行上山. 有好多唔同日數既Tour 由3日至10日都有 沿途有印加其他遺跡

3. 沿住火車軌行

最後揀左塔火車, 因為我揀左即日來回, 時間用最少

前幾日 已經留意緊個天氣.點知 真係好大雨 同霧, 心諗 咁會咩都睇唔到

今朝五點起身轉二程車 再等火車去熱水鎮 再搭巴士去馬丘比丘

聽講 時間因為 仲係朝早 要等霧散.. 但係因為我即日來回 得4個鐘可以等

上到去 第一眼就係咁 心諗飛卅個鐘嚟睇大帽山

因為單程路,咁我就不斷係到Loop最短條線同埋入去個涼亭到等.因為好凍 大風又大雨

涼亭 其實保暖

影呢張相等左3 4個鍾 ,其實 只要將你個頭右轉90度 就見到個印加人像

望過去d山峽 好高其實

係鼻個座山 係可以爬. 不過聽講 個面係冇咁靚. 同埋我唔想放工都去行山.

馬丘比丘主廟 幾廿噸既石 唔知點解運到上黎

三窗之屋: 用途不明 但係石既怖置愈仔細 係代表愈神性

好多動物食緊草既地方就係主廣場

三窗之屋

今次只係停留左 4-5個鍾就落返熱水鎮.

---

Aguas Calientes 熱水鎮

熱水鎮 係真係有溫泉浸

熱水鎮

熱水鎮

熱水鎮市集 好多ITC

原本一個小鎮 發展到遊客區. 好多餐廳,旅館同遊客市集 其實無咩特別

成千蚊既火車飛, 咁佢都會一人比張氈你,跟住有個 好難食既包

可卡因茶 可以用黎提煉可卡因,, 乾啪or沖茶可以舒緩高山反應同埋禦寒,唔洗錢機場有得拎

可卡因茶 帶上機出國 係會比海關虎拉

---

去南美通常都遇到個問題係防疫針.

其實去南美需唔需要打黃熱針呢 ?

1.理論上入境既時候 你同海關講 唔去亞馬遜地區 係唔需要.但係落後國家入境政策好難講.亦有聽講 被拒入境既例子

2.某部分國家係有機會要求曾進出黃熱地區既旅客出示黃熱針証明.否則會被拒入境

南美有幾樣衛生問題比較嚴重.

1.黃熱病

由蚊傳播.嚴重病例的死亡率為 20 – 50

%.無治療方法 只能夠打疫苗

2.肝炎

3.高山症

三四千米 通常會頭暈身㷫 主要會令你浪費左幾日時間

4.虐疾

因為玻利維亞早前有水災.

5.蚊患

因為遲早都會四圍去 所以一次打左4支 同拎左幾包藥.

原來黃熱針 係一定要係政府健康旅遊中心打.同埋要提早預約

我一個月前去預約都係滿 不過最後有額外名額.

秘魯機場都有診所打黃熱針.基於接種後兩星期先生效.加上衛生問題.最後係香港打

中心仲有100蚊既旅行急救包.

止痛.止瀉.3M蚊膏.消毒藥水.消毒酒精抹布.電解質補充劑.即棄探熱針.口罩 等幾十樣野